مواصلات كرداسة من 6 أكتوبر

 ازاي تروح كرداسة من مدينة السادس من اكتوبر 

لا يوجد موصلات مباشرة من 6 اكتوبر الي كرداسة

وعشان تروح كرداسة من 6 اكتوبر هتركب اي ميكروباص متجه الي الجيزة وتنزل نزلت صفط.. بعد كدا هتنزل علي السلم وتحت الكبري هتلاقي موصلات كرداسة (ميكروباص_سوزوكي_توك توك). 

إزاى تروح مكتب صحة كرداسة لتطعيم

 المسافرين بلقاح كورونا: 

مكتب صحة كرداسة 

لو انت في 6اكتوبر _الحي السادس او الحصري او زايد او اي مكان في اكتوبر ..هتركب ميكروباص الجيزة وتنزل صفط وتنزل علي السلم تحت الكوبري هتلاقي موصلات كرداسه هتركب وتنزل في الاخر يعني اخر الميكروباص والافضل تقول للسائق انك هتنزل مكتب الصحه هتلاقي مبني مكتب الصحة علي الشمال بعد حوالي 100متر. 

الأوراق المطلوبة لأخذ لقاح كورونا للمسافرين: 

صورة جواز السفر والاصل _صورة البطاقة _استمارة هتاخدها من هناك. 

تملي البيانات المطلوبة في الاستمارة _وتكتب علي صورة البطاقة العشرين رقم اللي جالك في رسالة طلب اللقاح .

بالنسبة للقاح جونسون آند جونسون جرعة واحدة فقط وبتستلم الشهادة في نفس الوقت بشرط ان يكون معاك صورة التأشيرة او صورة عقد العمل او ورقة النت او تذكرة السفر.. وهتدفع 255ج وتستلم شهادة مميكنة يعني مطبوعة كمبيوتر وليست عادية. 

بالنسبة لباقي انواع اللقاح الاخري بتكون جرعتين. .الجرعة الاولي بتاخد شهادة عادية بدون ختم وبعد ثلاث اسابيع بتاخد الجرعه الثانية وتختم الشهادة.